ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН МӨСНИЙ ҮЗЭГДЭЛ, ЗУЗААНЫ ТОЙМ МЭДЭЭ

ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН МӨСНИЙ ҮЗЭГДЭЛ, ЗУЗААНЫ ТОЙМ МЭДЭЭ

       2023 оны 2 дугаар сарын 21-ний өдрийн байдлаар

XVII жарны "Үзэсгэлэнт болгогч" хэмээх харагчин туулай жилийн Сар шинийн мэнд дэвшүүлье.

          Хангай нурууны зүүн хойт хажуугаас эхтэй Орхон гол нь уртын дагуу халиа гүйж хөлдсөн, давхар мөсөн бүрхүүлтэй. Бат-Өлзий сумын орчим мөсний зузаан 136 см буюу олон жилийн дунджаас 10 см зузаан, Хархорин сумын орчим мөсний зузаан 119 см, олон жилийн дунджаас 30 см зузаан байна.

         Хангай нурууны өврөөс эхтэй Онги гол ёроолдоо хүртэл хөлдсөн. Уянга сумын орчим мөсний зузаан 121 см буюу олон жилийн дунджаас 5 см зузаан байгаа бол Арвайхээр сумын орчим мөсний зузаан 28 см буюу олон жилийн дунджаас 5 см нимгэн байна.  

       Хангай нурууны өвөр хажуугаас усжих Таац гол нь ёроолдож хөлдсөн,  Нарийнтээл сумын орчим мөсний зузаан 57 см буюу олон жилийн дунджаас 10 см зузаан байна.

        Сангийн далай нуураас эхтэй Зэгстэй гол нь Өлзийт сумын орчим ёроолдож хөлдсөн, мөсний зузаан 27 см буюу олон жилийн дунджаас 10 см нимгэн байна. Хөгшин Орхон гол нь ёроолдоо хүртэл хөлдсөн ба мөсний зузаан 40 см буюу олон жилийн дунджийн орчим байна.

ӨВӨРХАНГАЙ АЙМАГ. УЦУОШТӨВ

УС СУДЛАЛЫН САЛБАР